Hoxe preséntovos algunhas actividades que facemos na aula, que ós nenos/as lles encantan e que vos poden servir tamén como idea para facer durante esta tempada na casa.
Non precisamos
ningún tipo de material elaborado, abonda con recursos que atopamos na propia
natureza (madeira, terra, pedras, area, paus, piñas, follas…).
Nalgunhas ocasións apetécenos crear, e recorremos o que se coñece como “Land
art”, que consiste en facer creacións artísticas con elementos da natureza na propia natureza. Neste caso, cambiamos o escenario, e levamos diferentes elementos naturais á nosa aula para facer creacións.
Algúns destes elementos, como as follas por exemplo, recóllenas os propios nenos e nenas para despois facer algunha actividade con elas.
Ademais de facer creacións, moitos destes elementos (noces, avelas, piñas, castañas, cabazas, follas…) tamén nos
serviron para decorar a aula durante o outono e para afondar nesta estación
e nas súas características (a caída das follas, as súas cores, os froitos desta
época...).
Noutras
ocasións, estes elementos naturais forman parte do xogo simbólico e sérvennos para xogar ás “cocinitas”, para facer construcións, granxas, vías para coches e tractores... E para todo aquilo que se nos ocorra.
A veces, incluso empregamos estes recursos para facer actividades de lecto-escritura (creando letras con eles) e tamén de lóxico - matemática, como por exemplo sumas.
Como podedes ver, dámoslle un montón de utilidade. Así que deixade voar a vosa imaxinación e a crear 🤩
Desfrutade destes días de vacacións, aínda que este ano sexan diferentes.
Un saúdo 😊
Ningún comentario:
Publicar un comentario